Frábær helgi í bústað í góðra vina hópi

Um helgina var Ronja hjá Gullu, Steinari og Malla en mömmurnar fóru í sumarbústað. Ronja hafði það mjög gott og fór meðal annars í klippingu á laugardagsmorgun og naut þess að láta Gullu og félaga stjana við sig á allan hátt.

Við fórum með Siggu og Þórunni í bústað á Laugarvatni. Við átum, drukkum, fórum í heimsóknir, fengum heimsóknir, læstum okkur út, skoðuðum sveitir landsins, spiluðum og sungum svo fátt eitt sé nefnt. Mestur tími fór í hljómsveitaræfingar og var það mál manna í hverfinu að á ferðinni hafi verið hver gullröddin ofan á aðra.

Á næstu dögum setjum við inn fleiri myndir og segjum meira frá ferðinni.

Hér er Guðrún við Gullfoss þvílík fegurð og mikilfengleiki.

 En þegar við vorum að leggja af stað í ferðina að Gullfossi þá uppgötvuðum við að lykillinn að bústaðnum var eftir inni. En að sjálfsögðu vorum við ekki í vandræðum með að redda því. Swiss-army hnífurinn í hanskahólfinu klikkaði ekki og málinu reddað.

 

 

 

Alltaf gott að koma heim úr góðri ferð og ekki skemmir fyrir þegar sólin baðar heimabæinn í geislum sínum þegar við komum yfir heiðina.

 

Athugasemdir

[Sigga (IP-tala skráð) 26.2.2007 kl. 21:34]

Hæ hæ og tak for síðast!!! Þetta var bara gaman og þarf að endurtaka fljótt aftur. 

[Þórunn (IP-tala skráð) 27.2.2007 kl. 08:15]

Sammála, látum ekki líða allt of langan tíma í næstu ferð... he.he.he þetta var alveg frábær ferð og er ég búin að liggja gjörsamlega í kasti yfir videounum sem ég tók.... he.he.he.... þarf að senda ykkur þau bestu..