ronja06

Allt með kyrrum kjörum

Heil og sæl, kæru vinir og félagar.

Í dag ætlar Ronja að byrja á því að ulla á alla þá sem hvorki hafa skrifað í gestabókina eða gert athugasemdir við færslur undanfarið.

En reyndar eru þessi "leiðindi" aðeins í nösunum á henni og hún hefur ekkert sérstakar áhyggjur af þessu frekar en öðru í heiminum í dag. Hún nýtur þess að taka lífinu með ró með mömmum sínum og er farin að hlakka alveg rosalega til að fá lítið systkin. Hún gætir Guðrúnar við hvert fótspor og virðist átta sig vel á því að eitthvað sé á seiði.

Nokkrir hafa spurt okkur hvort við ætlum ekki að leyfa henni að eignast hvolpa. Það er svo sem ekkert á plani næstu vikna en ef mannfólkið á heimilinu verður allt krúnurakað þá hljóta að vera hvolpar á leiðinni. Það hlýtur það sama að ganga yfir alla á heimilinu. Fylgist bara með.

Helgin hefur annars verið mjög skemmtileg. Amma Gulla og Yngvi, afi komu ásamt dyggum ökumanni Sigríðar Dúnu (bílnúmerið á sjálfskiptungnum, Suzuki Vitara er SD-###) Magnúsi Yngva á föstudagskvöldið og gistu þau eina nótt hjá okkur. Ýmislegt var brallað og bökuðu Elín og Gulla meira að segja flatkökur fyrir Erlu Jónu (svo hún geti glatt og satt systur sína í USA) á meðan að Yngvarnir könnuðu sveitir sunnan við beygju. Einnig kíktu amma og afi á Norðurtúni til okkar, Erla, Fúsi og Gunnar létu sjá sig og hljómsveitarmeðlimurinn, suðurhafseyjaprinsessan, sjómannsfrúin, kennarinn og verðandi tvíburamóðirin, Drífa Þöll lét sjá sig og áttum við góðar stundir saman.

Hlökkum til að lesa athugasemdir frá ykkur sem flestum.

Flokkur: Bloggar | 9.11.2008 | 14:32 (breytt kl. 14:35) | Facebook

Athugasemdir

já það verður gaman að fara með heimabakað til USA og takk fyrir þúsund sinnum

biðjum að heilsa

kv PERLA og co

Miðtún (IP-tala skráð) 9.11.2008 kl. 15:15

Jæja, við hérna í Danaveldi erum orðin ansi spennt að fá fréttir af fæddu barni. Gott að heyra að allt gangi vel hjá ykkur og hlakkar okkur mikið til að hitta ykkur um jólin og mikið er nú gaman að heyra að Drífa eigi von á tvíburum. Knús og kossar frá okkur og vonandi erum við á sms listanum yfir nýjustu fréttir...

Auður Erla (IP-tala skráð) 9.11.2008 kl. 15:43