ronja06

Um miðjan september fórum við til Vestmannaeyja. Saman nutum við þess að vera í heimsókn hjá Grétari Þór, Söru og foreldrum auk þess sem mömmurnar fóru í brúðkaup hjá Ingólfi og Snjólaugu. Frábær ferð þar sem Gunnlaugur Yngvi fékk að kynnast fyrstu lundapysjunni.

Erum búin að eiga frábæra helgi. Fengum góða gesti á föstudaginn þegar tengdó (Guðný og Helgi)kíktu í mat og Idol. Fórum frábæran rúnt austur á laugardaginn, hittum frábært fólk, keyrðum um fallegar sveitir landsins og nutum lífsins. Fórum svo að sjálfsögðu í sund. Sérstaklega skemmtilegur sundtími því Ágúst Þór fór með okkur. Guðrún var á bakkanum að þessu sinni enda engin manneskja í sundæfingar eftir að hún fór í bakinu. En við vonum að það fari nú að lagast. Fengum góða gesti á sunnudegi og höfum slappað vel af.

 Gunnlaugur Yngvi og Ágúst Þór í sundi.

 Gunnlaugur Yngvi var rosalega ánægður Ágúst Þór í sundi.

Mamma fékk að vera með á einni mynd líka.

Gunnlaugur Yngvi að gera æfingar með mömmu sinni. Hann er orðin mjög styrkur eftir allar æfingarnar í sundinu og ekki laust við að mamman stefni í að verða "hel mössuð" þessar æfingar taka aðeins á þegar barnið er næstum 10 kg. (Hún hefði nú kannski getað lagað sundskýluna á barninu. Verður bara að gera það fyrir næstu myndatöku).

1, 2, 3 og blása.

Á bólakaf.

Duglegur, alveg eins og Gunni (nafni minn) kafari.

Við elskum að fara í sund.

Ronja Rán er alltaf á ferð og flugi eins og sést á þessari mynd.

Við höfum haldið uppteknum hætti, verið heima, ferðast um, notið lífsins og reynt að hitta vini okkar og fjölskyldur. Fengið næturgesti og viðrað okkur.

Annars er Gunnlaugur Yngvi helst að safna tönnum núna. Hann fékk tvær framtennur í neðri góm fyrir mánuði síðan og er nú hægt og rólega að bæta við þremur stykkjum í efri góm.

Um daginn fórum við í Mosó og hittum frændfólk okkar úr Vestmannaeyjum þar voru Ingólfur, Snjólaug og börn á ferð.

Hér er Gunnlaugur Yngvi með Ingvari og Þorbjörgu.

Syrpa af systkinunum, Ingvar, Þorbjörg, Árni Þór og öll saman.

Flóki og Sibba komu til okkar um daginn. Þau pössuðu Gunnlaug Yngva með afa á meðan mömmur hans fóru í afmæli. Morguninn eftir var svona líka frábært verður í Sandgerði og við nutum þess að vera úti saman.

Sama góða veðurdag komu Fríða Birna (frænka hennar Guðrúnar), Gummi og Anna Karen í heimsókn til okkar.

En núna í dymbilvikunni fengum við Grétar Þór Sindrason í heimsókn ásamt Söru, systur sinni og Sæfinnu móður þeirra. Þau gistu hjá okkur í þrjár nætur. Við brölluðum ýmislegt saman og áttum góðan tíma. Drífa og Gunni, sem einnig voru uppi á landi ásamt sínum börnum, Ella og Örnu nýttu tækifærið og litu líka til okkar í Sandgerði.

Gunnlaugur Yngvi með Söru og Grétari Þór.

Grétar Þór að klifra.

Sara að renna sér.

Arna og Elli í heimsókn hjá Gunnlaugi Yngva.

Þegar Grétar Þór og Sæfinna fóru í sund þá fékk Sara meðal annars ís í morgunmat hjá Elínu.

Hér er snáðinn úti á góða veðrinu í Sandgerði.

Hér er prinsinn í fyrstu klippingunni. Solla okkar er að klippa af honum kastaníubrúna lokkinn sem hann fæddist með. Mömmum hans fannst hann vera farinn að þynnast og vildu klippa hann af og eiga hann. Nýja hárið sem hann er að fá núna virðist ekki hafa sama fallega gyllta litinn.

Maðurinn er farinn að fá eina máltíð á dag. Sú máltíð samanstendur af sætum kartöflum, smjöri og vatni. Hann er alveg sjúkur í þetta lostæti og þegar matartíminn byrjar er eins gott að mömmurnar séu tilbúnar í að moka stöðugt.

Annars ætluðu þær að breyta aðeins til og auka fjölbreytni máltíðanna. Þær tóku sig til og gufusuðu og maukuðu peru, gættu þess að taka alla þræði frá, kældu niður í rétt hitastig og voru þvílíkt ánægðar með útkomu þessa tveggja kvenna verkefnis. En þegar þetta jukk barst upp að vitum sonarins var eins og þær, þessar tvær skælbrosandi stoltu mæður, væru að gera honum illt. Hann kúgaðist og hryllti sig, honum vöknaði um augun og hann horfði á þær með mjög svo vonsviknum augum og úr þeim mátti lesa "Hvar eru sætu kartöflurnar mína?" Síðan hefur hann ekkert þurft að takast á við nýjar bragðtegundir´.

Ein mynd að lokum af Ronju Rán. Hún hefur verið rosalega góð við bróður sinn. Hún gerir honum ekkert og lætur dótið hans næstum alveg í friði.

Hér er Ronja að skoða nýja dótið sem Sara og Grétar Þór gáfu Gunnlaugi Yngva. Bara skoða.